Azərbaycan, Bakı, 15 oktyabr / Trend , müxbir H.Vəliyev/
Dövlət informasiya resurslarının təkmilləşdirilməsi korrupsiya ilə mübarizənin əsas vasitələrindən biridir, bu barədə Trend -a Rabitə və İnformasiya Texnologiyaları Nazirliyinin Kadr və hüquq şöbəsinin rəisi Bəxtiyar Məmmədov bildirib.
Onun sözlərinə əsasən, korrupsiya ilə mübarizənin optimal aləti şəffaflığın təmin edilməsidir. "Elektron Azərbaycan" dövlət proqramında nəzərdə tutulan dövlət xidmətlərinin elektronlaşdırılması şəffalığın təmin edilməsi üzrə görülən tədbirlərdən biridir. Hazırda korrupsiya ilə mübarizə strategiyası və planı, həmçinin bu strategiyadan irəli gələn praktiki tətbiq məsələləri mövcuddur. Məmmmədovun sözlərinə əsasən, qanunvericiliyin təkmilləşdirilməsi ilə yanaşı informasiya texnologiyalarının tətbiqinin genişləndirilməsi respublikanın bütün əhalisi üçün əlverişli şərait yaradacaq.
Ötən çərşənbə günü nazirlikdə Azərbaycan Prezidentinin 2007-ci il 28 iyul tarixli №2292 fərmanı ilə təsdiqlənmiş şəffaflığın və korrupsiya ilə mübarizənin gücləndirilməsi üzrə Milli strategiyanın həyata keçirilməsi ilə bağlı 2007-2011-ci illər üzrə tədbirlər planının yerinə yetirilməsi ilə əlaqədar iclas keçirilib. İclasda korrupsiya ilə əlaqədar hüquq pozuntuları və s. məsələlər müzakirə edilib.
Məqalə müəllifi ilə əlaqə ünvanı: [email protected]
