Azərbaycan, Bakı, 06 noyabr / Trend , müxbir H.Vəliyev/
2010-cu ildə Azərbaycanın informasiya texnologiyaları bazarının artımı 10 faiz təşkil edəcək. Bu barədə rabitə və informasiya texnologiyaları naziri Əli Abbasov cümə günü Yeni Azərbaycan Partiyasının mənzil-qərargahında təşkil edilən mətbuat konfransında bildirib.
Nazirin sözlərinə görə, Azərbaycanın İKT bazarı ötən ildəki 30-35 faizlik göstərici ilə müqayisədə təqribən 20 faiz azalıb. O zaman satış üzrə İT bazarının ümumi azalması dünyada 24 faiz təşkil edib.
İnformasiya Problemləri üzrə Araşdırma Mərkəzinin rəhbəri Yaşar Hacıyev daha əvvəl deyib ki, Azərbaycan bir çox göstəricilərə görə İT bazarının həddən artıq inkişaf etdiyi Avropa ölkələrindən uzaqdadır.
"İlin əvvəlində müşahidə edilən dərin böhranın bir hissəsi artıq keçir. Yaxın aylarda bazarın stabilləşməsini gözləmək olar. Söhbət yüksək artım sürətindən yox, 2008-ci ilin sonundakı sürəti qoruyub saxlamaqdan gedir", - Hacıyev belə hesab edir.
Məqalə müəllifi ilə əlaqə ünvanı: [email protected]
