...

Azərbaycan Milli Elmlər Akademiyası geoinformasiya sisteminin tətbiqinin əsaslarını tədqiq edir

Telekommunikasiya Materials 23 Noyabr 2009 19:07 (UTC +04:00)

Trend-i buradan izləyin

Azərbaycan, Bakı, 23 noyabr / Trend , müxbir H.Vəliev/

Azərbaycan Milli Elmlər Akademiyasının İnformasiya Texnologiyaları İnstitutu (İTİ) geoinformasiya sisteminin (GİS) tətbiqinin elmi-texniki əsaslarının tədqiqatını aparacaq. Bu barədə İTİ-nin məlumatında deyilir.

İnstitut GİS-sistemin tətbiqinin yeni üsullarını müəyyən etmək üzrə işlər aparır. Bu gün Azərbaycan elektron kartının yaradılmasına və onun müasir mobil radiomonitorinq ATLAS-3000 stansiyasına inteqrasiyası üzrə layihə reallaşdırılıb.

İTİ-nin direktoru Rasim Əliquliyevin sözlərinə görə, bu gün GİS-sistem Elmlər Akademiyası, Dövlət Torpaq və Xəritəçəkmə Komitəsi, Rabitə və İnformasiya Texnologiyaları Nazirliyi, Ekologiya və Təbii Sərvətlər Nazirliyi və digər idarələrin fəaliyyətində tətbiq olunur. GİS-sistemin tətbiqində əsas rolu milli standartların yaradılması oynayır. Bu məqsədlə institut beynəlxalq təcrübələri öyrənir.

Azərbaycan ərazisində yayımlanan radioteleviziya stansiyalarının sayının artırılması ilə əlaqədar klassik metodların tətbiqi öz aktuallığını itirir. Bu səbəbdən GİS-sistem kimi, yeni alqoritmlər və daha effektiv üsulların tətbiqi zəruriliyi meydana çıxır. Bu gün geoinformasiya texnologiyaları yerli və qonşu ölkələrin stansiyalarınin efir məkanında nümayiş üçün tətbiq edilir.

Azərbaycanda GIS-sistemin tətbiq edilməsi informasiya cəmiyyətinin yaradılmasında prioritet vəzifələrdən biri kimi nəzərdən keçirilir. Əliquliyevin sözlərinə görə, bu gün QİS-sistem ekoloji monitorinqin vəziyyəti, ekoloji ekspertiza, tematika xəritə və atlasın və s. yaradılması sayəsində təbii resurs ehtiyatlarının kəşfində və ondan istifadə məhsuldarlığında mühüm rol oynayır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti