Azərbaycan, Bakı, 25 yanvar / Trend , müxbir H.Vəliyev/
2009-cu ildə ölkəyə daxil olan trafikin həcmi 2008-ci illə müqaisədə 73,1 milyon dəqiqə artaraq 588,5 milyon dəqiqə təşkil edib. Bu barədə Azərbaycanın Rabitə və İnformasiya Texnologiyaları Nazirliyinin 2009-cu ilin yekunlarına dair hazırladığı hesabatda deyilir.
Nazirliyin məlumatına görə, göndərilən trafikin həcmi 3,4 milyon dəqiqə artaraq 158,4 milyon dəqiqə təşkil edib.
Rabitə və İnformasiya Texnologiyaları Nazirliyinin Hesablama Mərkəzi ilə "Optik Rabitə Tikinti Quraşdırma" şirkətinin imzaladığı müqaviləyə əsasən beynəlxalq rabitə xətlərinin stabilliyi və optik rabitə xətlərinin ötürücülük qabiliyyətinin artırılmasını təmin etmək üçün Siyəzən-Dəvəçi-Quba-Samur istiqamətində tel-optik xətt magistralının çəkilməsi üzrə işlər aparılır. Hazırda işlər başa çatmaq üzrədir.
Məqalə müəllifi ilə əlaqə ünvanı: [email protected]
