Azərbaycan, Bakı, 17 aprel /Trend, müxbir H.Vəliyev/
Rabitə və İnformasiya Texnologiyaları Nazirliyinin İnformasiya-Hesablama Mərkəzi bəzi regional telekommunikasiya qovşaqlarının "Azdatacom" şəbəkəsinə qoşulması üzrə işləri başa çatdırıb. Bu barədə nazirliyin birinci rübün yeklunları üzrə hesabatında deyilir.
Nazirliyin məlumatına görə, ötən dövrdə Daşkəsən, Cəbrayıl, Ucar, Tovuz və Şəmkir rayonlarının telekommunikasiya qovşaqlarında magistral xətlərin çəkilişi üzrə işlər başa çatdırılıb.
Hazırda şəbəkəyə 395 fiziki və 486 hüquqi şəxs qoşulub. İşlər "Elektron idarəetmə şəbəkəsinin milli təşəbbüsü" çərçivəsində həyata keçirilir.
Şəbəkənin buraxılış qabiliyyəti 10 gbit/s. təşkil edir. Yüksəksürətli şəbəkənin istismara verilməsi genişzolaqlı İnternet istifadəçilərinin sayının artırılmasına və qeyri-ənənəvi rabitə xidmətlərinin (VoIP, IPTV) genişləndirilməsinə imkan verəcək. Layihənin reallaşması məsafəli təhsil, elektron kommersiya və biznesin uzaqdan idarə edilməsində şəbəkənin imkanlarından uğurla istifadə olunmasına imkan yaradacaq.
