Azərbaycan, Bakı, 9 iyul /Trend, müxbir H.Vəliyev/
Ümumdünya Poçt İttifaqının strateji konfransının yekunları Şuranın rabitə administrasiyası rəhbərlərinin Bakıda noyabrda keçiriləcək 43-cü iclasında müzakirə ediləcək. Bu barədə Regional Rabitə Birliyinin (RRB) məlumatında deyilir.
İclasda Azərbaycanı Rabitə və İnformasiya Texnologiyaları Nazirliyi təmsil edəcək.
Məsələlərə əvvəlcədən RRB-nin Poçt rabitəsi komissiyasının 31-ci birgə iclasında və Birliyin avqustun 26-da Kişinyovda keçiriləcək Operatorlar Şurasının 20-ci yubileyində baxılacaq.
İclasın gündəliyinə RRB-nin Ümumdünya Poçt İttifaqının 24-cü konqresinin qərarlarının həyata keçirilməsi üzrə rabitə administrasiyasının fəaliyyəti və ÜPİ-nin 22-23 sentyabr 2010-cu il tarixdə Keniyada keçiriləcək strateji konfransına hazırlıq da daxildir.
Kişinyov iclasında qaldırılacaq mühüm məsələlərdən biri də MDB ölkələri iştirakçılarının kitabxanalararası abunə sistemində kitabxana göndərişləri üçün güzəştli poçt tariflərinin tətbiq edilməsi olacaq. MDB ölkələrinin hamısı hələ ki buna razılığını bildirməyib.
Əvvəllər Trend-ə "Azərpoçt" MMC-nin baş direktorunun müavini Sübhan Kazımovun dediyinə görə, Rusiya və Belarus güzəştli poçt tarifləri haqqındakı sənədin yenidən işlənməsini labüd bilirlər.
Birlik ölkələrinin poçt idarələri arasındakı razılaşmaya əsasən, MDB-nin bəzi ölkələrinə məktub və banderollar MDB tarifi ilə deyil, yalnız aviapoçtla uzaq xaricin tarifi üzrə göndərilə bilər ki, bu da nəşrin öz maya dəyərini ötür. Hazırda Azərbaycanda aviapoçtla bir kiloqramlıq kitabın göndərilməsi 26 manatdan 36 manatadək ola bilər.
Bu problemin həlli üçün MDB ölkələri iştirakçılarının kitabxanalararası abunə sistemində kitabxana göndərişləri üçün güzəştli poçt tariflərinin razılaşması layihəsi işlənib hazırlanıb. Layihədə nəzərdə tutulub ki, MDB ölkələrində adıçəkilən sistemdə sənədlərin göndərilməsi mövcud poçt göndərişlərinin 50 faizini təşkil edən güzəştli tariflərlə həyata keçiriləcək.
Razılaşma qeyri-müəyyən müddətə bağlanacaq. Ona öhdəlikləri üzərinə götürə bilən və müddəaları bölüşən bütün dövlətlər qoşula bilər.
Ekspert qrupu razılaşma layihəsini razılaşdırdıqdan sonra onun müəyyən edilən qaydada MDB ölkələri hökumətləri rəhbərlərinin Şurasına müzakirəyə verilməsi planlaşdırılıb.
