Azərbaycan, Bakı, 14 iyul /Trend, müxbir H.Vəliyev/
Təşkilatlara və əhaliyə göstərilən informasiya və rabitə xidmətlərinin həcmi ilin birinci yarısında 514 milyon manat səviyyəsində olub ki, bu da ötən ilin analoji dövr göstəricisindən 28,2 faiz çoxdur. Bu barədə Azərbaycan Dövlət Statistika Komitəsinin məlumatında deyilir.
Ümumi həcmdən 74,3 faiz əhaliyə göstərilən xidmətlərin payına düşüb. Bununla yanaşı, əldə edilən gəlirlərin 68,6 faizi mobil rabitə xidmətlərinin payına düşüb; artım 17,5 faiz təşkil edib.
Altı ayın yekunları üzrə mobil rabitədən istifadə edənlərin sayı 9,3 faiz artıb və iyulun 1-nə 8,5 milyon abonent təşkil edib.
