Azərbaycan, Bakı, 13 avqust /Trend, müxbir Q.Vəliyev/
Yanvar-iyul ayları ərzində təşkilatlar və əhaliyə göstərilən informasiya və rabitə xidmətlərinin həcmi 619,4 milyon manat təşkil edib ki, bu da ötən ilin müvafiq göstəricisindən 31,3 faiz çoxdur. Bu barədə Dövlət Statistika Komitəsinin məlumatında deyilir.
Ümumi həcmdən 74,1 faiz əhaliyə göstərilən xidmətlərin payına düşüb. Bununla yanaşı, əldə edilən gəlirin 68,3 faizi mobil rabitə xidmətinin payına düşüb. O, ötən ilin göstəricisi ilə müqayisədə 28,4 faiz artaraq 423,2 milyon manat təşkil edib.
