Azərbaycan, Bakı, 6 sentyabr /Trend, müxbir H.Vəliyev/
İlkin provayder "Delta Telecom" şirkəti tərəfindən beynəlxalq rabitə kanallarının icarəsi üzrə tariflərin azaldılması İnternet-servis provayderlərinə yekun istifadəçi üçün qiymətlərin gələcəkdə azaldılması planında tarif siyasətinə bir daha yenidən baxmağa imkan verəcək. Bu barədə bazar ertəsi rabitə və informasiya texnologiyaları naziri Əli Abbasov deyib.
Nazirin sözlərinə görə, bu gün Azərbaycanda İnternet tarifləri Şərqi Avropa ölkələrindəki qiymətlərlə müqayisəedilən səviyyədədir.
"Bu gün istifadəçilər arasında fəallığın artması ilə əlaqədar, İnternet bazarının daha da inkişaf etməsinə ehtiyac var. Buraya əhalinin müvafiq qiymət siyasətinin işlənib-hazırlanmasının vacib olduğu digər təbəqələrin də cəlb edilməsi zərurəti yaranır", - nazir bildirib.
"Delta Telecom" sentyabrın 1-dən provayderlər üçün kanallar tərəfindən alınan 100 mbit/saniyədən artıq İnternet xidmətlərinin tariflərini azaldıb. Alınan trafikin hər əlavə 1 mbit/s-nin aylıq dəyəri 50 manat təşkil edəcək.
