Azərbaycan, Bakı, 23 sentyabr /Trend, müxbir H. Vəliyev/
Azərbaycanın mobil rabitə operatoru "Bakcell"in Call-mərkəzi gün ərzində, orta hesabla, 10 min abunəçiyə xidmət göstərir. Bu barədə cümə axşamı "Bakcell" şirkətinin xidmət departamenti rəisinin müvəqqəti əvəzləyicisi İrina Şadskaya deyib.
Şadskayanın sözlərinə görə, bu gün Call-mərkəzin sutka ərzində gələn abunəçi istəklərini yerinə yetirən əməkdaşlarının sayı 94 nəfərdir. Bir abunəçiyə xidmət üçün, orta hesabla, 1 -1,3 dəqiqə sərf olunur.
Call-mərkəzin mütəxəssisləri tərəfindən həm məlumat, həm də texniki xidmətlər göstərilir.