Azərbaycan, Bakı, 29 sentyabr /Trend, müxbir H.Vəliyev/
Azərbaycan Səhiyyə Nazirliyinin Dərman Vasitələrinin Analitik Ekspertiza Mərkəzi xəstələrin güzəştli kateqoriyalarına pulsuz dərman preparatları verən apteklərin şəbəkəsini genişləndirir. Bu barədə Trend-ə Mərkəzin direktor müavini Azər Kəngərlinski məlumat verib.
Onun sözlərinə görə, bu gün Bakının 11 rayonunda 12 aptekdə xəstələrə dərman preparatlarının verillişi dövlət tərəfindən təmin olunur. Bunlar şəkərli diabet xəstələri, birinci və ikinci qrup əlillər, Böyük Vətən və Qarabağ müharibələrinin veteranlarıdır.
"Apteklər vasitəsilə xəstələrə "güzəştli" kimi işarələnmiş "elektron sağlamlıq kartları" verilir. Çip-kartda onun sahibinin adı, soyadı, anadan olduğu il, cinsi, qan qrupu, unikal kodu və s. haqqında məlumat yerləşdirilir. Xəstənin dərman aldığı elektron kartlardan istifadə bu və ya digər preparatların verilməsi barədə qeydiyyat aparmağa, eləcə də xəstələrin hər bir qrupu üzrə statistik göstəricilərə malik olmağa imkan verir", - Kəngərlinski bildirib.
Mərkəzin direktor müavinin sözlərinə görə, kartların 80 faziə yaxını şəkərli diabeti olan xəstələrə verilib.
Bu gün apteklərin maddi-texniki bazası xeyli yaxşılaşıb, onların minimum sahəsi ən azı 20 kvadratmetr təşkil edir. Bütün apteklər zəruri texniki və proqram təminatı ilə təchiz olunub, internet şəbəkəsinə qoşulub, bəzilərində isə işdə çatışmazlıqları aşkara çıxarmağa imkan verən kameralar quraşdırılıb.
