Azərbaycan, Bakı, 29 noyabr /Trend, müxbir H.Vəliyev/
Azərbaycanın sistem inteqratoru "Gamma Corporation" Azərbaycanda ARDNŞ ilə birgə quru yataqlarında işləyən "Şirvan Əməliyyat Şirkəti" və "Neftçala Əməliyyat Şirkəti"ndə "SunSystems 5" idarəetmə sistemini tətbiq edib. Bu barədə bazar ertəsi Trend-ə "Gamma Corporation" şirkətinin kommersiya direktoru Mirpaşa Mahmudov deyib.
Mahmudovun sözlərinə görə, şirkət General Ledger (Baş kitab), Inventory Management (Anbarın idarə edilməsi) və Procurement Management (Alışların idarə edilməsi) kimi sistemlərin modullarının tətbiqi üzrə işləri başa çatdırıb.
"Neftçala Əməliyyat Şirkəti"ndə əvvəllər istifadə olunan informasiya bazasının yeni informasiya bazası "SunSystems 5"ə keçirilməsi üzrə işlər aparılıb.
"SunSystems 5" sistemi orta və böyük müəssisələrdə maliyyə və təsərrüfat uçotunun avtomatlaşdırılması üçün dünyada geniş yayılan paketlərdən biridir.
Sistemin əsas imknaları son istifadəçinin ehtiyacına uyğun quraşdırılan interfeysdir. O, bir sistemdən digərinə tez keçməyə kömək edərək, funksiya və məlumatlara daxil olmaq hüququnu məhdudlaşdırır. Bundan başqa, hesabatın çevik sistemi, çoxvalyutalılıq da orada yer alıb.