Azərbaycan, Bakı, 23 dekabr /Trend, müxbir H.Vəliyev/
"DataCell" şirkəti (əmtəə markası Hot-Net) yaxın günlərdə simsiz Wi-Fi istifadəçiləri üçün yeni tarif planlarını təqdim etməyi planlaşdırır. Bu barədə Trend-ə cümə axşamı "DataCell" şirkətinin sahə meneceri Rüfət Hüseynov deyib.
Hüseynovun sözlərinə görə, yeniliklər bilavasitə şirkətin hazırda göstərdiyi xidmətlərin qiymətlərini saxlamaqla iki dəfə artırılacaq trafikin həcminə aid olacaq. Şirkət ətraflı məlumatın qarşıdan gələn həftədə açıqlanacağı yeni illik planı da cəlb etməyi planlaşdırır.
Hüseynovun dediyi kimi, bu yaxınlarda şirkət tərəfindən Abşeron yarımadası ərazisində simsiz Wi-Fi-ın nüfuz dairəsinin genişləndirilməsi üzrə işlər də aparılıb ki, bu da Mərdəkan və Şüvəlan qəsəbələrində əhalinin sıx yaşadığı məntəqələri əhatə etməyə imkan verib.
Hazırda şirkətin şəbəkəsi Bakının mərkəzi küçələrinin xeyli hissəsini əhatə edir və gələcək genişləndirmə üzrə işlər davam etdirilir.
Hüseynovun əvvəllər dediyi kimi, şirkətin 2011-ci il üçün gələcək planlarına Hot-Net şəbəkəsinin regional səviyyədə də əhatə dairəsinin genişləndirilməsi daxildir.
Hot-Net şəbəkəsinin buraxılış qabiliyyəti 1 Mbit/saata çatır. Bir baza stansiyasının (Hot-Spot) əhatə radiusu 400 metrə çatır. Wi-Fi istifadəçilər üçün ən əlverişlisidir, belə ki, bazarda məlumatların ötürülməsinin bu standartını dəstəkləyən çoxlu qurğular (noutbuk, telefon və smartfonlar) var.
