Azərbaycan, Bakı, 17 yanvar /Trend, müxbir H.Vəliyev/
Özbəkistanın mobil rabitə operatoru "Unitel" MMC ("Bilayn") Azərbaycanda CAMEL-rouminqi genişləndirib. Bu barədə şirkətin məlumatında deyilir.
Şirkətin Azərbaycandakı rouminq-tərəfdaşı Bakcell şirkəti olub.
2010-cu ildə "Unitel" MMC Özbəkistanda rouminq-tərəfdaşların sayına görə birinci olub.
Bu gün "Unitel" abunəçiləri üçün beynəlxalq səsli rouminqdən 159 ölkənin 380 operatorunun şəbəkəsində, GPRS-rouminqdən isə 95 ölkənin 182 operatorunun şəbəkəsində istifadə etmək mümkündür. "Bilayn" 3G-rouminqi seqmentində (80 ölkənin 123 operatoru) və CAMEL-rouminq üzrə də (dünyanın 69 ölkəsinin 110 operatoru) liderlik edir.
CAMEL-rouminq "Bilayn" rabitəsindən istənilən müsbət balansda istifadə etməyə imkan verir. Bu zaman vəsait hesabdan real vaxt rejimində silinir. CAMEL-rouminq xidməti aktivləşmə tələb etmir və telefona avtomatik olaraq qoşulur.
