Azərbaycan, Bakı, 28 yanvar /Trend, müxbir H.Vəliyev/
Azərbaycanın ilkin provayderi "Delta Telecom"un şəbəkəsində daxil olan internet-trafikin sürəti 12 Gbit/saniyəyə çatıb. Bu barədə şirkətin statistik hesabatında deyilir.
Son üç ay ərzində daxil olan trafikin (provayderlərin internet şəbəkəsində istifadə etdikləri xidmət) həcmi 1 Gbit/san-dən 4 Gbit/san-yə yüksəlib.
Şəbəkənin yüklənməsinin dinamikası sutkanın vaxtından asılı olaraq dəyişir və şəbəkənin yüklənməsinin ən böyük hissəsi gündüz vaxtının payına düşür. Gecə vaxtı bu göstərici 2,5 Gbit/saniyəyə qədər enir.
"Delta Telecom"un statistikasına əsasən, çıxan trafikin həcmi 3 Gbit/saniyəni ötür. Bu göstərici gecə vaxtı 1 Gbit/saniyəyə qədər enir.
Bu günə AzNET seqmentinin ümumi tutumu 40 Gbit/saniyəyə çatır.
"Delta Telecom" trafikini 26 telekommunikasiya operatoru öz aralarında bölür (dövlət və şəxsi internet-provayderlər, mobil rabitə operatorları və başqaları).
Yanvarın 28-nə olan (saat 15:25) vəziyyətə görə, son istifadəçiyə çatdırılan trafikin ən böyük həcmi (22,28 faiz) dövlət internet-provayderi BakinterNet-in payına düşüb, 14,44 faiz payla ikinci yeri Uninet (ticarət markası Mark Stream), üçüncü - Stellford şirkəti (ticarət markası Connect) - 10,19 faiz şirkəti tutur.
Bundan sonra provayderlər trafik həcminə görə aşağıdakı ardıcıllıqda yerləşirlər: Azeronline - 9,77 faiz, Superonline - 7,11 faiz, Ultel - 6,33 faiz, DATAPlus - 5,92 faiz, ADaNet - 3,78 faiz, Aztelekom - 2,70 faiz, AzEuroTel - 2,40 faiz, AzStarNet - 2,25 faiz, SMART - 2,10 faiz, Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi - 2,09 faiz, Avirtel - 1,58 faiz, TransEuroCom - 1,33 faiz, Nakhchivan - 0,96 faiz, AzNET - 0,84 faiz, Caspel - 0,81 faiz, DataCell - 0,67 faiz, IntraNS - 0,65 faiz, Bakcell - 0,62 faiz, Azerfon - 0,29 faiz, Castel - 0,43 faiz, AzIntex - 0,24 faiz, QlobalNet - 0,17 faiz və Azerin-dir - 0,14 faiz.