Azərbaycan, Bakı, 1 mart /Trend, müxbir H.Vəliyev/
"Softprom Azerbaijan" şirkəti "Google Apps for business"in sınaq versiyasının fəaliyyət müddətini 90 günədək artırır. Bu barədə Trend-ə çərşənbə axşamı şirkətdən məlumat verilib.
Azərbaycan bazarında "Google" həll və xidmətlərinin irəliləyişi 2010-cu ilin üçüncü rübünün sonlarında imzalanmış saziş üzrə həyata keçirilir. Həmin sənədə görə, "Softprom" Azərbaycan ərazisində "Google Apps" avtorize edilmiş reseller statusunu əldə edib.
"Google Apps for business" online-xidmətlər komplekti şirkət əməkdaşlarına daim əlaqədə olmağa, "online" ünsiyyət qurmağa, informasiya mübadiləsi etməyə və s. imkan verir.
"Google Apps for business" xidməti ilə işləmək üçün İnternet-girişin olması vacibdir. "Google Apps for business" həlli mobil qurğularda da işləyir.
Bu gün dünyanın üç milyondan artıq şirkəti "Google Apps for business" həll və xidmətlərinin istifadəçiləridir.
