Azərbaycan, Bakı, 9 avqust /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi şəbəkəsində taksofonların sayını azaldıb. Bu barədə çərşənbə axşamı Trend-ə "Aztelekom"un mətbuat xidmətinin rəhbəri Vidadi İsmayılov deyib.
İsmayılovun sözlərinə görə, hazırda operatorun şəbəkəsində istismarda olan taksofonların sayı 79 ədəddir. Taksofonların hamısı kartla işləyir.
İstismardan ümumilikdə 206 taksofon çıxarılıb. İstismardan çıxarılan taksofonların ümumi sayından 151 ədəd köhnə tipli qurğular, 53-ü GSM standartında işləyən və 2 ədədi kart qurğulu olub.
"Aztelekom"un mətbuat xidmətinin rəhbərinin sözlərinə görə, taksofon şəbəkəsinin xeyli investisiya tələb etməsinə baxmayaraq, onun aktuallığı və gəlirliyi azalanda gündəliyə rabitənin bu növünü inkişafı çıxır. Bununla əlaqədar hazırda opeartor tərəfindən taksofon rabitəsinin səmərəliliyi öyrənilir.
Taksofon rabitəsinin inkişafına mane olan amillərdən biri mobil rabitənin yüksək səviyyəli nüfuzu və əhalinin telefonlaşdırılmasıdır.
Bundan əvvəl İsmayılovun dediyinə görə, taksofon rabitəsinə tələb təklifi üstələsə, sözsüz ki, taksofon parkının genişləndirilməsi üzrə işlər bərpa ediləcək.
