...

Əli Abbasov: Azərbaycanda genişzolaqlı internetin dəyəri orta aylıq əməkhaqqının 5 faizini təşkil edir

Telekommunikasiya Materials 11 Oktyabr 2011 11:26
Azərbaycanda genişzolaqlı internetin dəyəri orta aylıq əməkhaqqının beş faizini təşkil edir. Trend-in məlumatına görə, bu barədə çərşənbə axşamı jurnalistlərə rabitə və informasiya texnologiyaları naziri Əli Abbasov məlumat verib.
Əli Abbasov: Azərbaycanda genişzolaqlı internetin dəyəri orta aylıq əməkhaqqının 5 faizini təşkil edir

Trend-i buradan izləyin

Azərbaycan, Bakı, 11 oktyabr /Trend, müxbir H.Vəliyev/

Azərbaycanda genişzolaqlı internetin dəyəri orta aylıq əməkhaqqının beş faizini təşkil edir. Trend-in məlumatına görə, bu barədə çərşənbə axşamı jurnalistlərə rabitə və informasiya texnologiyaları naziri Əli Abbasov məlumat verib.

Nazirin sözlərinə görə, belə nəticələr Dünya Bankı tərəfindən 2010-cu ilin yekunları üzrə aparılan araşdırmalar zamanı əldə olunub.

"İnkişaf etmiş ölkələrdə bu göstərici orta aylıq əməkhaqqının 2-3 faizini təşkil edir", - o deyib.

Abbasovun sözlərinə görə, son illər ərzində internet bazarında tariflər dəfələrlə azaldılıb və bu gün 1 Mbit/saniyə sürətlə genişzolaqlı internetə çıxışın minimum dəyəri 15 manat təşkil edir.

Nazir bildirib ki, Azərbaycanda İKT sektorunun orta illik inkişaf sürəti 25-32 fazi təşkil edir ki, bu da dünya üzrə orta göstəriciləri 2-2,5 dəfə üstələyir.

Abbasov deyib ki, Azərbaycanda İKT sektorunun inkişafına, regionlarda bu sahədə xidmətlərin göstərilməsinə xüsusi diqqət ayrılır. Bununla əlaqədar bu sahə respublika iqtisadiyyatının yeni mühüm sahələrindən birinə çevrilib.

Xəbər lenti

Xəbər lenti