...

Azərbaycanda mobil rabitə xidmətlərinin qiymətinin azalmasının qarşısını alan səbəb açıqlanıb

Telekommunikasiya Materials 22 Fevral 2012 16:14 (UTC +04:00)

Trend-i buradan izləyin

Azərbaycan, Bakı, 22 fevral /Trend, müxbir H.Vəliyev /

Operatorlararası birləşmələrin dəyərinin azalması mobil rabitə xidmətlərini son istifadəçi üçün daha çox əlçatan edir. Bu barədə çərşənbə günü Trend-ə Bakcell şirkətinin texniki direktoru Yegit Bektaş bildirib.

Onun sözlərinə görə, abonentlər üçün xidmətlərin dəyərinin azalması habelə GSM operatorlarının beynəlxalq operatorlara ödədikləri məbləğin azalmasına da kömək edir.

"Operatorlararası birləşmələrin dəyərinin azalması son istifadəçi üçün xidmətlərin dəyərinin xeyli azalmasına imkan verir", - Bektaş deyib.

Bir müddət əvvəl Rabitə və İnformasiya Texnologiyaları Nazirliyi inkişaf üçün bərabər şəraitin yaradılması məqsədilə GSM və CDMA mobil rabitə operatorlarına operatorlararası qoşulmalar üzrə dərəcələrin uyğunlaşdırılması haqqında nazirliyin kollegial qərar layihəsini təqdim edib.

Operatorlar arasında belə qoşulmalar üzrə dərəcələrin məbləği (danışığın başa çatan dəqiqəsinin dəyəri) 0,05 manatdan 0,02 manatadək azaldılmalıdır.

Lakin "Azercell" və "Bakcell" operatorları bununla razılaşmadıqlarına görə məsələ şirkətlər arasında məhkəmə araşdırması predmetinə çevrilib.

Xəbər lenti

Xəbər lenti