...

.az domeninin onlayn qeydiyyatı istifadəçilərin sayının artmasına imkan yaradır

Telekommunikasiya Materials 25 Fevral 2012 13:27 (UTC +04:00)

Trend-i buradan izləyin

Azərbaycan, Bakı, 25 fevral /Trend, müxbir H.Vəliyev/

.az milli domeninin onlayn qeydiyyatı sisteminin tətbiqi onun istifadəçilərinin sayının daha da artmasına imkan yaradır. Bu barədə şənbə günü Trend-ə İnformasiya Problemləri üzrə Tədqiqat Mərkəzinin rəhbəri Yaşar Hacıyev deyib.

Hacıyevin sözlərinə görə, "IntraNS" milli qeydiyyatçısının dəqiq qaydaları var. Bu qaydalara uyğun olaraq qeydiyyat aparılır ki, bu da istənilən şəxsə domeni maneəsiz qeydiyyatdan keçirməyə imkan verir. Domenin qeydiyyat qiyməti də münasibdir.

"Onlayn qeydiyyat sisteminin işə salınması bazara müsbət təsir edəcək. Bu, ilk növbədə, ölkənin bölgələrində və xaricdə yaşayanlara rahatlıq yaradacaq", - Hacıyev qeyd edib.

Hazırda "IntraNS" şirkəti .az milli domeninin onlayn qeydiyyat sistemini sınaqdan keçirir. Xidmətdən martda istifadənin mümkün olacağı gözlənilir.

Xəbər lenti

Xəbər lenti