Azərbaycan, Bakı, 7 mart /Trend müxbir H.Vəliyev/
Azərbaycan Müdafiə Sənayesi Nazirliyinin "Peyk" zavodu Naxçıvan Muxtar Respublikasına (NMR) rəqəmsal televiziya üçün dekoderlərin tədarükü üzrə ölkənin kabel televiziya operatoru "B&BTV Communications" ilə danışıqlar aparır. Bu barədə çərşənbə günü Trend-ə zavodun direktoru Siyavuş Əliyev bildirib.
Onun sözlərinə görə, ilkin mərhələdə NMR-ə rəqəmsal yayım şəbəkəsinin tikintisi üzrə operatorun layihəsi çərçivəsində bu qurğulardan 500 ədədinin tədarükü nəzərdə tutulub.
"Qurğular ilk növbədə açıq sosial paketə yönəlib. Qurğuların ödənişli kanalları dəstəkləməsi üçün şirkətin onların texniki parametrlərini müəyyənləşdirməsi lazımdır", - Əliyev qeyd edib.
