Azərbaycan, Bakı, 7 aprel /Trend, müxbir H.Vəliyev/
Əhalinin 28 faizi mal və xidmətləri internet şəbəkəsi ilə əldə etməyə üstünlük verir. Trend-in məlumatına görə, bu barədə şənbə günü Azərbaycan Marketinq Assosiasiyasının respublikada informasiya texnologiyalarından istifadənin cari vəziyyəti üzrə apardığı araşdırmada deyilir.
Assosiasiyanın məlumatına görə, Azərbaycan əhalisinin böyük əksəriyyəti (72 faiz) malları ənənəvi üsulla almağa üstünlük verir.
Azərbaycanda rəyi soruşulan respondentlərin 26 faizi elektron mağazalara etibar etmədiklərini bildirib. Rəyi soruşulanların 15 faizinin plastik kartı, 8 faizinin isə mal və xidmətlərin internet vasitəsilə əldə edilməsi bacarıqları yoxdur.
Respondentlərin iki faizi internet vasitəsilə malların alınması zamanı probemlərlə üzləşib.
