Azərbaycan, Bakı, 8 oktyabr /Trend, müxbir H.Vəliyev/
Yanvar-avqust ayları ərzində Naxçıvan Muxtar Respublikası (NMR) üzrə göstərilən informasiya və rabitə xidmətlərinin həcmi 28 503,5 min manat təşkil edib ki, bu da ötən ilin analoji dövr göstəricisindən (26 735,9 min manatdan çox) 6,6 faiz çoxdur. Trend-in məlumatına görə, bu barədə bazar ertəsi NMR-in Bakıdakı daimi nümayəndəliyinin yaydığı məlumatda deyilir.
Məlumata əsasən, göstərilən ümumi xidmətlərin həcmindən 85,6 faiz (və ya 24411,6 min manat) özəl rabitə müəssisələrinin payına düşüb.
Özəl müəssisələr tərəfindən göstərilən xidmətlərin həcmi ötən ilin eyni göstəricisi ilə müqayisədə 5,8 faiz artıb.
Ötən dövr ərzində mobil rabitə xidmətlərinin həcmi 24 387,7 min manat təşkil edib, artım tempi isə 5,7 faiz olub.
Yanvar-fevral ayları ərzində NMR-in Rabitə və İnformasiya Texnologiyaları Nazirliyinin müəssisələri tərəfindən 3 929,6 min manat dəyərində xidmət göstərilib ki, bu da 2011-cu ilin analoji dövrünə nisbətən 12,7 faiz çoxdur.
Muxtar Respublikanın ümumi istifadədə olan telefon şəbəkəsinin nömrə tutumu 2012-ci ilin yanvar-avqust aylarının nəticələri üzrə 1650 ədəd artıb ki, bu da ötən ilin göstəricisi ilə müqayisədə 15,9 faiz çoxdur.
