Azərbaycan, Bakı, 14 dekabr /Trend, müxbir H.Vəliyev/
Azərbaycan Prezidenti yanında Dövlət Qulluğu Məsələləri üzrə Komissiya tətbiqi proqram həllərinin tətbiqinə başlayır. Trend-in məlumatına görə, bu barədə Dövlət Komissiyasının yaydığı məlumatda deyilir.
Sistem inteqratorunun funksiyalarını yerinə yetirən struktur kimi "Softline International" şirkəti seçilib. Ona sistemin texniki quraşdırılması üzrə işlər həvalə olunub.
Dövlət Komissiyasının məlumatına görə, şirkət komissiyanın noyabrın 27-də elan etdiyi tətbiqi proqram təminatlarının satın alması üzrə kotirovkanın qalibi olub.
Tətbiqi proqram təminatı istifadəçi üçün böyük maraq kəsb edən proqram məhsullarının yayılmış sinfidir və gündəlik məsələlərin (informasiyanın işlənməsi, sənədlərin, qrafik obyektlərin, məlumat bazalarının yaradılması, hesablamaların aparılması, təhsil prosesinin sürətləndirilməsi və b.) həlli üçün nəzərdə tutulub.