Azərbaycan, Bakı, 21 yanvar / Trend, müxbir H.Vəliyev /
Azərbaycanın İnformasiya Texnologiyalarının İnkişafı Dövlət Fondunun əsasnamə və strukturu yaxın günlərdə qəbul ediləcək. Trend-in məlumatına görə, bu barədə bazar ertəsi jurnalistlərə rabitə və informasiya texnologiyaları naziri Əli Abbasov bildirib.
Onun sözlərinə görə, bundan sonra fondun ilkin maliyyələşmə həcmi təxminən 15 milyon manat təşkil edəcək.
Bu gün fondun nizamnaməsi elə hazırlanır ki, bu layihəyə özəl kapitalın cəlb edilməsi mümkün olsun. Artıq bu gün bəzi xarici şirkətlər bu fonda yatırımlar etməyə hazır olduqlarını bildiriblər.
Qeyd edək ki, Prezident İlham Əliyev martın 15-də Azərbaycan Respublikası Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fondunun yaradılması haqqında sərəncam imzalayıb.
