Azərbaycan, Bakı, 8 iyun /Trend, müxbirlər T.Cəfərov, E.Tanriverdiyeva/
İran bu il sentyabrın sonuna kimi (İran təqvimi ilə cari ilin ilk yarısı sentyabrın 22-də başa çatır) "SharifSat" peykini kosmosa buraxa bilər. Trend-in məlumatına görə, bu barədə "Fars" agentliyi Tehran Texnologiya Universitetinin rəhbəri Şərif Rza Azada istinadən xəbər verir.
Rza Azad bildirib ki, hazırda peyk sistemləri hazırlanır.
"SharifSat" peyki kosmosa "Səfir-1" raket daşıyıcısı vasitəsilə 500 km yüksəkliyə buraxılacaq. Onun çəkisi 50 kq-dan azdır.
Xatırladaq ki, İranın Kosmik Agentliyinin rəhbəri Həmid Fazeli aprel ayında İranın bu il kosmosa iki peyk buraxacağını bildirmişdi.