Azərbaycan, Bakı, 8 iyun /Trend, müxbir H.Vəliyev/
"Smart Systems Technology" şirkəti IP-TV xidmətini bu ayın sonuna kimi kommersiya məqsədilə istismara buraxacaq. Bu barədə Trend-ə şirkətin baş direktoru Sübhan Qaragözov bildirib.
Onun sözlərinə görə, xidmət çərçivəsində son istehlakçılara, əsasən, ADSL xidmətinin abunəçilərinə müvafiq avadanlıq (Set-Top-Box) təklif ediləcək.
Rabitə və İnformasiya Texnologiyaları Nazirliyinin "Teleradio" İstehsalat Birliyi (İB) IP-TV siqnallarını "Smart Systems Technology" operatorunun şəbəkəsinə ötürməyə başlayıb.
Qaragözov bildirb ki, xidmətdən istifadə üçün aylıq abunə haqqı dörd manat təşkil edəcək: "Kanalların sayı isə 80-120 ədəd aralığında dəyişir".