Azərbaycan, Bakı, 23 avqust /Trend, müxbir H.Vəliyev/
Rabitə və İnformasiya Texnologiyaları Nazirliyi internet xidmət təchizatçılarının şəbəkələrində mobil nömrə daşıma xidmətinin analoqunu istifadə verməyə texniki olaraq hazırdır. Bu barədə cümə günü jurnalistlərə açıqlamasında rabitə və informasiya texnologiyaları naziri Əli Abbasov bildirib.
Nazirin sözlərinə görə, xidmətin işə salınması bu xidmətlə bağlı hüquqi məsələlərin yekunlaşdırılmasından sonra yaxın vaxtlarda gözlənilir: "Bu gün Azərbaycanda 40-dan yuxarı İnternet-provayder fəaliyyət göstərir və bu xidmətin işə salınmasının əsas məqsədi onlar arasında sağlam rəqabətin təşkil olunmasıdır".
Abbasovun sözlərinə görə, bu proses tamamilə avtomatlaşdırılacaq ki, bu da hər bir istifadəçiyə istənilən vaxt internet təchizatçısını dəyişməyə imkan verəcək ".