Azərbaycan, Bakı, 5 sentyabr /Trend, müxbir H.Vəliyev/
Texniki problemlərin mövcudluğu mobil nömrə daşınma xidmətinin (MNP) tətbiqini ləngidir. Bu barədə cümə axşamı jurnalsitlərə açıqlamasında rabitə və informasiya texnologiyaları naziri Elmir Vəlizadə bildirib.
Onun sözlərinə görə, nazirlik mobil operatorlardan bu məsələni ən qısa vaxtlarda həll ediləcəyini gözləyir, əks halda bu məsələyə məhkəmə yolu ilə baxılacaq: "Demək olar ki, bu məsələnin hüquqi yolla nizama salınması müəyyən mənada operatorlara onların xidmətin yaxın vaxtlarda işə salınması üçün maksimum səylərini qoymaları üçün xəbərdarlıqdır.
Xatırladaq ki, MNP xidməti pulsuz təqdim edilir. Digər operatorların şəbəkələrə miqrasiyası zamanı SIM-kartın əvəz edilməsi tələb olunur.
MNP xidmətinin tətbiqi abonentlərə operatoru dəyişəcəyi təqdirdə öz telefon nömrələrini saxlamaq imkanı verəcək. Nömrənin daşınması operatorun ayırdığı prefiks ("050", "051", "055", "070" və "077") ilə birlikdə abonent nömrəsinin tam miqrasiyasını nəzərdə tutur.