Azərbaycan, Bakı, 29 noyabr /Trend, müxbir H.Vəliyev/
Azərbaycanda səslə idarə edilən robot istehsalına başlanıla bilər. Trend-in məlumatına görə, bunu cümə günü rabitə və informasiya texnologiyaları nazirinin müavini Elmir Vəlizadə "Bakutel-2013" sərgisinə həsr edilmiş mətbuat konfransında deyib.
Onun sözlərinə görə, artıq bu gün respublikada sənaye miqyasında robot texnologiyasının inkişafına maraq göstərilir.
E.Vəlizadə qeyd edib ki, bu sahədə artıq müəyyən işlər görülüb: "Onlardan biri səslə idarə olunan kompüterdir. Həmin kompüter görmə qabiliyyəti zəif olan insanlar üçün nəzərdə tutulub və artıq Azərbaycanda yaradılıb".
