Azərbaycan, Bakı, 26 may /Trend, müxbir H.Vəliyev/
Azərbaycan Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyi yanında fəaliyyət göstərən Kompüter insidentlərinə reaksiya komandası (CERT) "Malware Report" internet istifadəçiləri üçün viruslardan müdafiə sistemini hazırlayır. Bu barədə Trend bazar ertəsi CERT-in yaydığı məlumata istinadən xəbər verir.
Məlumata görə, "Malware Report" proqramının antivirus müdafiə funksiyası var və zərərli və şübhəli faylları bilavasitə faylın təhlilə məruz qaldığı CERT laboratoriyasına (Malware Lab) göndərməyə imkan verir, bundan sonra əldə edilmiş nəticələr əsasında istifadəçiyə hesabat təqdim edilir.
Proqram həllinin üstünlüklərindən biri istifadəçinin təhlükə və zəif nöqtələr barədə məlumatlandırma, onlara xarici təhlükələrə qarşı mübarizə üzrə zəruri məlumatın təqdim edilməsidir.
Proqram Azərbaycanın internet seqmentinin bütün istifadəçiləri üçün hesablanıb. Gələcəkdə CERT-in bu proqram təminatının (PT) tam antivirus PT-nin bütün funksiyalarından ibarət olacağı istisna edilmir.
