...

Bakı bulvarında ödənişsiz Wi-Fi nöqtələri açılıb

Telekommunikasiya Materials 29 May 2014 16:32
Bakıda Dənizkənarı Milli Parkın ərazisində yerləşən restoran və kafelər Wi-Fi-ya ödənişsiz çıxışla təmin olunublar.
Bakı bulvarında ödənişsiz Wi-Fi nöqtələri açılıb

Trend-i buradan izləyin

Azərbaycan, Bakı, 29 may /Trend, müxbir H.Vəliyev/

Bakıda Dənizkənarı Milli Parkın ərazisində yerləşən restoran və kafelər Wi-Fi-ya ödənişsiz çıxışla təmin olunublar. Bu barədə Trend-ə Dənizkənarı Milli Park İdarəsindən bildiriblər.

Söhbət hər kəsin internet şəbəkəsinə ödənişsiz girişdən istifadə edə biləcəyi ayrı-ayrı giriş nöqtələrindən gedir. Parkın bütün ərazisində simsiz Wi-Fi açılması layihəsinə gəldikdə, hazırda bu, reallaşma mərhələsindədir. Layihə çərçivəsində ilkin sınaqdan keçmiş zəruri avadanlıqlar quraşdırılıb.

Hazırda başlıca vəzifə parkın bütün ərazisində internet şəbəkəsinə davamlı çıxışın təmin edilməsi, eləcə də son istifadəçiyə göstərilən xidmətlərin keyfiyyətinin yaxşılaşdırılmasıdır. Layihəyə Azərbaycanın internet xidmətlərinin tədarükçüləri cəlb olunacaqlar.

Wi-Fi texnologiyalarına simsiz çıxış istifadəçilər üçün daha əlverişlidir. Belə ki, bazarda bu standartı dəstəkləyən çoxlu qurğular (noutbuk, telefon, smartfonlar) var.

Məqalədə:
Xəbər lenti

Xəbər lenti