Azərbaycan, Bakı, 9 iyun /Trend, müxbir H.Vəliyev/
Azərbaycanda peyk televiziyası istifadəçilərinin kabel televiziyasına keçidi müşahidə edilir. Bunu bazar ertəsi Trend-ə Azərbaycanın telekommunikasiya bazarındakı mənbə deyib.
Mənbənin sözlərinə görə, kabel televiziyası operatorlarının abonent bazası hər gün genişlənir və bu, əsasən, iri şəhərlərdə baş verir: "Kənd yerlərində əhali hələ də peyk televiziyasına üstünlük verir. Bu onunla əsaslanır ki, əhalinin az olduğu yaşayış məntəqələrində kabel infrastrukturunun inkişafı iqtisadi baxımdan kabel televiziyası operatorları üçün qeyri-rentabellidir".
İri şəhərlərdə, xüsusilə də Bakıda kabel infrastrukturunun inkişafı istehlakçıların maraqlarına xeyli təsir edir. Bir çox istifadəçi reytinqli TV kanallara baxmağa meyillidir və televiziya kontentinin keyfiyyətinə üstünlük verir.
Mənbə qeyd edib ki, peyk antenlərinin istifadəsi zamanı yayımlanan televiziya proqramlarının xeyli hissəsi şəhər əhalisinin xüsusi marağına səbəb olmur: "Çoxları başa düşür ki, kabel yayımı peyk yayımından daha sadə və sərfəlidir. Çünki kabel operatorları ilə razılaşmaları olan reytinqli kanallara baxmaq mümkündür. Bundan başqa, bazar dəyişir və son istifadəçinin tələbatı dəyişir. İstifadəçilərin çoxunu artıq sadəcə televiziya kontentinə çıxış maraqlandırmır. Çoxlarını, həmçinin internet xidmətləri maraqlandırır. Bu təcrübə artıq Azərbaycanın bir çox kabel operarotları tərəfindən tətbiq edilir".
İri şəhərlərdə kabel operatorları və peyk antenlərinin satış nöqtələri arasında rəqabət kəskinləşir və bir çox satış nöqtələri rəqabətə davam gətirməyərək bağlanmaq məcburiyyətində qalırlar.
Peyk yayımında tez-tez baş verən nasazlıqlar da vacib səbəblərdən biridir.