Azərbaycan, Bakı, 25 sentyabr /Trend, müxbir Hüseyn Vəliyev/
Azərbaycan və İran poçt rabitəsi sahəsində əməkdaşlığa dair sənədlər hazırlayırlar. Trend-in məlumatına görə, bunu cümə axşamı jurnalistlərə Azərbaycanda səfərdə olan İranın rabitə və informasiya texnologiyaları nazirinin müavini Müctəba Haşimi deyib.
Onun sözlərinə görə, hazırda hər iki ölkə İKT sahəsində müxtəlif istiqamətlər, o cümlədən peyk rabitəsi sahəsində əməkdaşlıq edirlər.
M.Haşimi bildirib ki, dünən Azərbaycanın İqtisadiyyat və Sənaye, Rabitə və Yüksək Texnologiyalar nazirliklərində keçirilmiş görüşlərdə iki ölkə əlaqələrinin inkişafının vacibliyi və bununla əlaqədar müəyyən razılaşmaların əldə olunması qeyd edilib.
