Azərbaycan, Bakı, 16 oktyabr /Trend, müxbir Hüseyn Vəliyev/
2014-cü ilin yanvar-avqust aylarında Azərbaycana ümumi dəyəri 3095,4 min dollar olan 55 900 ədəd mobil telefon və simsiz şəbəkədə çalışan digər qurğular (planşet kompüterlər, radiotelefonlar və s.) idxal olunub. Bu barədə Trend-ə Dövlət Statistika Komitəsindən məlumat verilib.
Məlumata əsasən, 2013-cü ilin eyni dövründə qeydə alınan göstərici ilə müqayisədə idxal olunan mobil telefonların sayı pulla ifadədə 28,4 faiz artıb.
Ölkəyə hər ay orta hesabla 7 min ədədə yaxın mobil telefon idxal edilib. Mobil telefon bazarının aylıq həcmi pulla ifadədə təxminən 387 min dollara yaxın təşkil edir.
