...

Azərbaycan II peyk üçün orbital mövqe icarəyə götürür

Telekommunikasiya Materials 26 Noyabr 2014 19:00 (UTC +04:00)
Azərbaycanın ikinci telekommunikasiya peyki üçün orbital mövqenin təyin edilməsi məsələsi 2015-ci ilin əvvəlində həll ediləcək.

Azərbaycan, Bakı, 26 noyabr /Trend, müxbir Hüseyn Vəliyev/

Azərbaycanın ikinci telekommunikasiya peyki üçün orbital mövqenin təyin edilməsi məsələsi 2015-ci ilin əvvəlində həll ediləcək. Trend-in məlumatına görə, bu barədə jurnalistlərə Azərbaycan rabitə və yüksək texnologiyalar nazirinin müavini İltimas Məmmədov bildirib.

İ.Məmmədovun sözlərinə görə, geostasionar peykin tikintisi və buraxılışı üzrə müqavilələrin imzalanması gələn ilin əvvəlində gözlənilir.

İkinci peyk proqramı üzrə tenderdə altı şirkət iştirak edir.

Bir müddət əvvəl Rabitə və Yüksək Texnologiyalar Nazirliyindən bildirilmişdi ki, "Azerspace-2" peyki üçün nazirlik uzunmüddətli dövr üçün orbital mövqe icarəyə götürməyi planlaşdırır. Bu addım orbital mövqelərin koordinasiyası ilə bağlı problemlərin aradan qaldırılması məqsədilə atılacaq.

"Azerspace-2" peykinin buraxılışı 2017-ci ilə planlaşdırılır. Peykin tikintisi 30 ay vaxt aparacaq.

Məqalədə:
Xəbər lenti

Xəbər lenti