Azərbaycan, Bakı, 19 may /Trend, müxbir Hüseyn Vəliyev/
Çinin Sənaye və İnformasiya Texnologiyaları Nazirliyi Trans-Avrasiya Super İnformasiya Magistralı (TASİM) layihəsinə mühüm əhəmiyyət verir. Bu barədə Trend-ə layihə üzrə işçi qrupunun rəhbəri Zaur Həsənov deyib.
Onun sözlərinə görə, Çinin TASİM-ə marağının səbəbi layihənin rabitənin yaxşılaşdırılması və Avropa ilə Asiya arasında yeni optik əlaqələrin yaradılmasına yönəlməsidir.
Z.Həsənov bildirib ki, TASİM-in planlaşdırılması məsələləri ilə tanış olmaq üçün Çinin Sənaye və İnformasiya Texnologiyaları Nazirliyi Azərbaycandan ekspert dəvət edib. Dəvətin məqsədi 2015-ci il 25-29 may tarixlərində WSIS-2015 forumu çərçivəsində Cenevrədə keçiriləcək sosial-iqtisadi inkişaf üzrə seminarın iştirakçılarına adıçəkilən layihəni təqdim etməkdir.