Bu günlərdə Mingəçevir şəhəri Günəşli kəndində 512 nömrəlik EATS istifadəyə verilib. Rabitə və İnformasiya Texnologiyaları Nazirliyindən Trend ə bildiriblər ki, açılış mərasimində Aztelekom İB, Rabitə Nazirliyi, yerli icra hakimiyyətinin nümayəndələri iştirak edib.
Mərasimdə iştirak edənlər iştirakçıları son illər Regionların İnkişafı üzrə Dövlət proqramı çərçivəsində rabitə sahəsində Mingəçevirdə görülmüş tədbirlər haqqında məlumatlandırıb. 2004-2006-cı illərdə Mingəçevirdə rabitə sahəsinin inkişafının vacibliyi qeyd olunub. Bu müddət ərzində Mingəçevirdə telefon rabitəsi şəbəkəsi və internet xidmətlərinə təxminən 305,9 min AZY yatırılıb. Bundan əlavə, ölkənin 6 rayonunda, o cümlədən, Mingəçevirdə Aztelekom.net. internet provayderin xidmətlər məntəqəsi yaradılıb və 171, 178 prefiksləri üzrə parolsuz provayderlər təşkil olunub, 16 DSLAM avadanlığı və 2 internet klub istifadəyə verilib. Telekommunikasiya qovşağının abunə tutumu 2005-ci illə müqayisədə 3660 nömrə artıb.