...

Beynəlxalq elmi parklar təşkilatı xüsusi iqtisadi zonanın yaradılmasında Azərbaycana kömək göstərməyə hazırdır

Telekommunikasiya Materials 3 Oktyabr 2006 15:04 (UTC +04:00)

Beynəlxalq elmi parklar təşkilatı yüksək texnologiyaların inkişafı üzrə xüsusi iqtisadi zonanın yaradılması layihəsində Azərbaycana köməklik göstərməyə hazırdır. Trend xəbər verir ki, bu barədə bu gün Bakıda BakuTel-2006 beynəlxalq sərgisinin açılışında təşkilatın baş direktoru Luis Sants məlumat verib.

Onun sözlərinə görə, yeni qlobal dünyanın öz tələbləri var. "Hazırda inkişaf etmiq ölkələrdə kiçik və orta sahibkarlığın (KOS) yaradılması böyük əhəmiyyət kəsb edir. Məhz KOS-ın inkişafı üçün texnoparklar əsas əhəmiyyətə malikdir", - deyə o bildirib.

O qeyd edib ki, mühüm amillərdən biri insan resurslarıdır və bu, İT sahəsində yüksək ixtisaslı mütəxəssislərin hazırlığını nəzərdə tutur. "Xarici investisiyaların cəlb olunması imkanını diqqətə alaraq, texnoparklar ölkə iqtisadiyyatına müsbət təsir göstərir", - deyə Luis Sants bildirib.

Xəbər lenti

Xəbər lenti