...

2007-ci ildə yeni mobil operator "Azərfon" Azərbaycan ərazisinin 80%-dən çoxunu əhatə edəcək

Telekommunikasiya Materials 3 Oktyabr 2006 17:41 (UTC +04:00)

Trend-i buradan izləyin

2007-ci il ərzində mobil operator Azərfon birgə müəssisəsi Siemens şirkətinin köməyi ilə Azərbaycanın 80%-dən artıq ərazisini əhatə edəcək. Trend xəbər verir ki, bu barədə Azərfonun məlumatında qeyd olunub. Azərfonun rabitə xidmətlərinin yaxın aylar ərzində rəsmi surətdə işə salınması nəzərdə tutulur. Şirkət həmçinin qabaqcıl və rəqabət qabiliyyətli texnologiyalardan istifadə etməklə bazara bir sıra yeni xidmətlər təqdim etmək niyyətindədir.

Mobil operatorun baş direktoru Con Armli bildirib ki, "Azərbaycan telekommunikasiya informasiya texnologiyaları üzrə regional bazarının lideri olmağı qarşısına məqsəd qoyub. Öz növbəsində Azərfon həmin prosesin ayrılmaz hissəsi olmaq üçün əlindən gələni edəcək".

Rabitə və İnformasiya Texnologiyaları Nazirliyi şirkətə zona kodu verib. Operatorun kodu - 070-dir. Hazırda Azərbaycanda üç operator mobil rabitə xidməti göstərir. Azərfondan başqa operatorlar zona kodu 055 olan Bakcell şirkəti və zona kodu 050 olan Azərcell Telecom Birgə müəssisəsidir.

Azərfon BM-ə mobil rabitə xidmətlərinin göstərilməsi üçün lisenziya Rabitə Nazirliyinin 28 dekabr 2005-ci ildə keçirilmiş kollegiyasının qərarı ilə verilib. Şirkətin təsisçiləri Aztelekom İB (10%), Almaniyanın Siemens şirkəti (30%) və iki Britaniya şirkətidir (60%).

Xəbər lenti

Xəbər lenti