...

Azərbaycan Rabitə Nazirliyi Azərpoçtun baş ofisinin avtomatlaşdırılmasını başa çatdırıb

Telekommunikasiya Materials 25 Noyabr 2006 13:02 (UTC +04:00)

Azərbaycan Rabitə və İnformasiya Texnologiyaları Nazirliyi Dünya Bankı ilə birgə həyata keçirilən "Maliyyə xidmətlərinin inkişafı" layihəsi çərçivəsində Azərpoçt dövlət müəssisəsinin baş ofisinin avtomatlaşdırılması üzrə işləri başa çatdırıb. Bu barədə Trend ə Nazirlikdən məlumat verilib.

Gələcəkdə bu işlərin bölgələrdə də görülməsi planlaşdırılır. Bununla yanaşı, layihə çərçivəsində həmçinin müəssisənin əməkdaşlarının yeni sistem üzrə iş üçün ixtisasının artırılması məqsədilə onlar üçün treninqlərin keçirilməsi nəzərdə tutulub. Treninqlərin Hollandiyanın ING Group konsaltinq şirkətinin mütəxəssislərinin səfərindən sonra keçirilməsi planlaşdırılır. Mütəxəssislər bu məsələ üzrə müəyyən tədbirlər keçirəcək, növbəti fəaliyyət planını tərtib edəcək.

Layihənin reallaşdırılmasından sonra Azərpoçt müvafiq status alacaq və maliyyə, bank xidmətlərinin həyata keçirilməsi üçün milli ödəniş sisteminə daxil ediləcək.

Müəssisədə hesab edirlər ki, paytaxtda artıq 2007-ci ildə, sonra isə ölkə bölgələrində bu xidmətləri göstərmək olar.

Layihə 2005-2008-ci illərdə Azərbaycanda rabitə və telekommunikasiya sahəsinin inkişafı üzrə dövlət proqramı çərçivəsində həyata keçirilir. 3 illik layihənin ümumi dəyəri 17,5 mln. ABŞ dollarıdır. Bunun 12,25 mln. ABŞ dolları BD-nin payına düşür, qalan hissə isə Azərbaycan höküməti tərəfindən maliyyələşdirilir.

Xəbər lenti

Xəbər lenti