Azərbaycan əhalisi video və geniş zolaqlı rabitə kimi müasir telekommunikasiya xidmətlərinin qiymətini 100% ödəməyə hazır deyil. Trend xəbər verir ki, bu barədə bu gün Azərbaycanın rabitə və informasiya texnologiyaları naziri Əli Abbasov məlumat verib.
Onun sözlərinə görə, hazırda bu xidmətlərin tarifləri yüksəkdir, lakin nazirlik bu xidmətlərin tariflərinin azalmasına nail olmaq istəyir.
"Biz ödənişlərin vaxtının uzadılması üzrə vendor-şirkətlərlə danışıqlar aparırıq", - deyə o bildirib.
Hazırda Azərbaycan bazarında GSM və CDMA standartları üzrə mobil rabitə xidmətləri, eləcə də NGN, sürətli internet xidmətləri təklif olunur.
