2006-cı ilin yanvar-fevral aylarında ölkənin Rabitə və İnformasiya Texnologiyaları Nazirliyi tərəfindən Azərbaycanın telekommunikasiya sahəsinə 30642,1 min AZN qoyulub. Nazirlikdən Trend ə verilən xəbərə görə, vəsaitlər əsasən rabitə obyektlərinin yenidən qurulmasına, paytaxtda olduğu kimi, bölgələrdə də yeni telefon xətlərinin çəkilməsinə yönəlib.
Bu dövr ərzində AzTelekom İB tərəfindən 12915,9 min AZN, Bakı Telefon Rabitəsi İB tərəfindən 12542,6 min AZN, Teleradio İB tərəfindən 1803,4 min AZN, Azərpoçt Dİ tərəfindən 1833,8 min AZN məbləğində vəsait sərf olunub.
2005-ci ildə Rabitə Nazirliyi ölkənin telekommunikasiya sahəsinə 157,571 mlrd AZM investisiya qoyub ki, bu da 2004 cü ilin eyni göstəricilərinə nisbətdə 66 mlrd AZM çoxdur.
