Azərbaycanın Rabitə Nazirliyi yüksək texnologiyaların ikişaf etdirilməsi ilə bağlı xüsusi iqtisadi zonalar (XİZ) üzrə təkliflər paketi hazırlayır. Trend xəbər verir ki, bu barədə bu gün Azərbaycanın rabitə və informasiya texnologiyaları naziri Əli Abbasov bildirib.
Onun sözlərinə görə, təkliflər paketi martın sonunda parlamentə təqdim ediləcək. Təkliflərin hazırlanması prosesində dünyanın aparıcı beynəlxalq təşkilatlarının, eləcə də dünyanın tanınmış təcrübəli ekspertlərinin təcrübəsindən istifadə edilir.
Yüksək texnologiyalarla bağlı XİZ layihəsi kiçik və orta innovasion sahibkarlığın inkişafında texnoparkların yaradılmasını, elektron avadanlıq və proqram məhsullarının istehsalı və ixracı üzrə regional bazanın yaradılmasını, ölkənin əlverişli tranzit ifnormasiya mərkəzinə (Data Centre) çevirlməsini, formalaşan informasiya cəmiyyəti üçün insan ehtiyatlarının hazırlanması və inkişaf etdirilməsini, eləcə də İKT-nin digər sahələrə, məsələn, səhiyyəyə, kənd təsərrüfatına tətbiqini nəzərdə tutur.