Azərbaycan,Bakı/müxbir Trend S.Babayeva/ Azərbaycanda IT şirkətlərinin artımı müşahidə olunur. İnformasiya Siyasəti Analitik Mərkəzinin direktoru, GIPI (Global Internet Policy Initiative) beynəlxalq layihənin Azərbaycanda koordinatoru Yaşar Hacıyevin məlumatına əsasən, bu gün Azərbaycanda təxminən 500 IT şirkəti fəaliyyət göstərir. Bu da 2006-cı ildən 16 faiz çoxdur.
"Bura milli şirkətlər və Aəzrbaycanda fəaliyyət göstərən iri xarici IT şirkətlərinin nümayəndələri - əməkdaşları daxildir", - deyə o bildirib.
Bu gün Azərbacyanda informasiya-kommunikasiya texnologiyaları geniş istifadə olunur, ümumtəhsil, ali məktəblər kompüterləşdirilir, informasiya texnologiyaları biznes sahəsi və dövlət idarəçiliyi sistemində tətbiq olunur. "Elektron hökumət" üzrə proqramın fəal tətbiqi aparılır, rabitə və informasiya texnologiyalarının inkişafı üzrə "Elektron Azərbaycan" dövlət proqramı reallaşdırılır.