Azərbaycan, Bakı /müxbir Trend S.Babayeva/ "Cisco" şirkətinin enerji üzrə direktoru Maykl Munronun (Michael Munro) Bakıya səfəri gözlənilir. Bu barədə şirkətin Bakı nümayəndəliyindən məlumat verilib.
Munronun səfərinin məqsədi "Cisco"nun yeni - Cisco First Mile Wireless Solution ("Cisco"nun "ilk mil" üçün simsiz həlli) həllinin "Neft və Qaz, Neft emalı və Neft-kimya" 14-cü beynəlxalq konfransı çərçivəsində neft-qaz sənayesi sahəsinin müəssisələrində mobil rabitə üçün təqdimatıdır.
O, yeni məhsulu iyunun 6-da konfrans sessiyasında təqdim edəcək. "Cisco" bu konfransın sponsorudur.
Şirkətdə hesab edirlər ki, bu həll neft-qaz sahəsinin inkişaf etdiyi ölkələrdə, həmçinin Azərbaycanda istifadə oluna bilər. Bu həlldə öz sinfində texnologiya, xidmət, təhlükəsizlik qaydaları və idarəetmə əlavələrinin inteqrasiyası korporativ məlumatları uzaq rayon və okean şelfində neft platformalarında işləyən əməkdaşlara ötürməyə imkan verir.
Neft buruqlarında və okeanik platformlarda quraşdırılan "Cisco First Mile Wireless solution" həlli ölçü cihazlarının, mobil qurğularının, fiziki təhlükəsizlik sistemlərinin, xidməti avtomobillərin və radiotezlik nişanlarının simsiz şəbəkəyə qoşulması, həmçinin mobil xidmətlərin (İP simsiz kanal üzərindən səsin ötürülməsi, video, qonaq müraciəti və s.) inteqrasiya edilməsi üçün imkan yaradır.
"Cisco First Mile Wireless solution" standart həlli partlayışlara qarşı xüsusi hazırlanmış korpuslarda yerləşən Cisco 1500 simsiz giriş nöqtələrini, "Cisco WCS" simsiz şəbəkələr üçün idarə sistemlərini və "Cisco Secure Services" təhlükəsizlik xidmətlərini əhatə edir. "Wi-Fi bridging", "WiMAX" və peyk rabitəsi kimi, əvvəlcədən yoxlanılmış və qəbul edilmiş "backhaul" texnologiyaların uyğunlaşması, həmçinin istismar texnologiyaları və proqramlar neft buruğunu çətinliklə gedilə bilən resurslardan uzaq korporativ resurslara və tədqiqat sistemlərə qoşulmuş əsl informasiya sazişinə çevirir.