...

Azərbaycan Fransa və Estoniya ilə MTF/STEFI üzrə poçt pul köçürmələri sistemini tətbiq edəcək

Telekommunikasiya Materials 27 İyun 2007 20:54 (UTC +04:00)

Azərbaycan, Bakı/ Trend müxbir S.Babayeva/ Azərbaycan MTF/STEFI sistemi üzrə elektron poçt pul köçürmələrini genişləndirməyi planlaşdırır. Çərşənbə günü Rabitə və İnformasiaya Texnologiyaları Nazirliyinin poçt sahəsinin rəhbəri Novruz Məmmədovun bildirdiyinə görə, onun "Poçt üçlüyü-2007" VIII Beynəlxalq Strateji Forumda iştirak etmək üçün Sankt-Peterburqa səfəri zamanı Fransa, Estoniya və Latviyanın poçt qurumlarının rəhbərləri ilə görüşü olub.

Məmmədovun sözlərinə görə, müzakirələr zamanı Fransa tərəfi 2008-ci ildən Azərbaycanla MTF/STEFI sistemi üzrə pul köçürmələrinin həyata keçirilməsinin mümkünlüyünü qeyd edib. Hazırda Fransa Rusiya ilə bu xidmətləri test rejimində həyata keçirir.

Estoniya ilə analoji işlərin sürətləndirilməsi istiqamətində, Latviya ilə isə bu xidmətlərin EUROGIRO vasitəsilə həyata keçirilməsi barədə danışıqlar aparılıb.

Azərbaycan MTF/STEFI sistemi üzrə Rusiya, Moldova, Belarus, Ukrayna, Qazaxıstan və Birləşmiş Ərəb Əmirlikləri ilə pul köçürmələri həyata keçirir. Perspektivdə isə bu xidmətlərin Orta Asiya ölkələri ilə də həyata keçirilməsi planları dayanır.

Xəbər lenti

Xəbər lenti