Azərbaycan, Bakı / Trend / Azərbaycan Rabitə və İnformasiya Texnologiyaları Nazirliyinin "Aztelecom" İB-ə məxsus Cəlilabad telekommunikasiya qovşağı rayonun mərkəzi ATS-nin tam bərpası üçün açıq tender elan edib. Nazirlikdən verilən məlumata görə, tenderdə iştirak etmək istəyənlər ilkin sənədləri oktyabrın 4-nə, tender təkliflərini isə Cəlilabad telekommunikasiya qovşağının kadrlar şöbəsinə oktyabrın 11-nə kimi təqdim etməlidirlər.
Tenderdə iştirak haqqı min manatdır. Tender oktyabrın 12-də telekommunikasiya qovşağında baş tutacaq. Qalibin seçimi zamanı üstünlük müasir avadanlıqla texniki şərtlərin münasib qiymətə tam və tezliklə yerinə yetirilməsini təklif edən və uyğunluq sertifikatına malik olan namizədə veriləcək.