Azərbaycan, Bakı, 10 aprel /Trend, müxbir A. Axundov/
Azərbaycanın dövlət lizinq şirkəti "Aqrolizinq" ASC texnoloji avadanlıqlar və kənd təsərrüfatı texnikasının satın alınması üzrə tender elan edib. Trend-in məlumatına görə, bu barədə çərşənbə axşamı Tender Komissiyasının rəsmi mətbuatda yayılan məlumatında deyilir.
Tender dörd lot üzrə keçirilir. Lotlar istixana avadanlıqları, ekskavatorlar, inkubatorlar, soyuducu anbarlar üçün avadanlıqların satın alınmasını nəzərdə tutur.
Tenderdə iştirak haqqı lotdan asılı olaraq 500-1000 manat arasında dəyişir.
Tender təklifləri 31 may saat 17:00-dək qəbul edilir.
