Azərbaycan, Bakı, 4 dekabr /Trend, müxbir A.Axundov/
Maliyyə Nazirliyi Dünya Bankının korporativ və büdcə sektorlarında hesabatlılıq layihəsi (CAPSAP) çərçivəsində tender elan edib. Trend-in məlumatına görə, bu barədə çərşənbə axşamı Maliyyə Nazirliyinin rəsmi mətbuatda dərc olunan məlumatında deyilir.
Tender mühasibat uçotu və auditi sahəsində Azərbaycan Peşəkar Mühasibat Uçotu və Audit üzrə Təlim, Təhsil və Tədqiqat Mərkəzinin (ACPATER) regional ofisləri üçün elektron avadanlığın alınmasını nəzərdə tutur.
Tenderdə iştirak haqqı 100 manat və ya 125 dollardır. Tender təklifləri 2013-cü il 17 yanvar, saat 17:00-dək qəbul edilir.
